Journalist Lalnunṭawma Fanai in a kawmna ah, Lalduhoma chuan Lengpui-a Indian Airforce ram lei, compensation sum kaldan-ah Central Bureau of Investigation (CBI) chu he thil chhui tura ko lut turin Chief Secretary hnenah file a kaltir niin a sawi a, hetah hian Mizoram sorkar hnuaia thawkte in hnamhnawih an awm pawhin chhui phalna a pek nghal thu a tarlang bawk.

Lengpui-a ram leina ah tunhnaia MPCC Vice President John Rotluangliana’n manṭang cheng vaibelchhe 10 ei ve anga a puhna chu dawt a nih thu tarlangin, sorkar leh ZPM party  a nghawng a, an party future thlengin a ti chhia tih sawiin a lakah inpuh hmingchhiatna (defamation) case kaltir tur anih leh niloh chu an party thutlukna a nih tur thu a sawi thung. A in hnamhnawihna hmuh anih chuan Chief Minister ṭhuthleng pawh a kalsan nghal tur thu a sawi bawk.